बलिउडको चम्किलो दुनियाँमा जहाँ हरेक साता झिलिमिली पार्टी हुन्छन्, त्यहाँ सन्नी देओल र उनकी श्रीमती पूजाको जीवन भने एकदमै फरक छ। सन्नी देओलले खुलासा गरेका छन् कि पूजा देओल बलिउड पार्टीहरूमा जान रुचाउँदिनन् — र यसको कारण हो, त्यो माहोल।
सन्नी भन्छन्, “बलिउड पार्टी रातभर चल्ने गर्छ। जहाँ मद्यपान, ध्रुमपान, तेज संगीत हुन्छ – तर पूजालाई त्यो वातावरण मन पर्दैन। उनले मादक पदार्थ पनि सेवन गर्दिनन्।”
केवल पूजा मात्र होइन, सन्नी आफैंलाई पनि यस्ता पार्टीहरू मन पर्दैन। “म रक्सी खाँदिनँ, बिहानै उठ्ने बानी छ। मलाई साथीभाइ मन पर्छ, तर उनीहरूलाई सुटिङ सेटमा भेट्न नै राम्रो लाग्छ,” उनले भने।
सन्नी देओलको पारिवारिक पृष्ठभूमि भने फिल्ममै गहिरो छ – उनका बाबु धर्मेन्द्र र भाइ बबी देओल दुवै सफल कलाकार हुन्। तर, उनीहरूको व्यक्तिगत जीवनलाई उनीहरू जति सक्दो साधारण राख्न चाहन्छन्।
यही कारण हो, पूजा प्रायः सार्वजनिक फिल्म कार्यक्रममा नदेखिने, बलिउडको सामाजिक घेराबाट टाढा रहने गर्छिन्। सन्नी देओलको जीवनशैली चम्कधम्कभन्दा टाढा, घरपरिवारको शान्तिपूर्ण साथमा रमाउने शैलीमा केन्द्रित देखिन्छ।
