कपिलवस्तुको सुद्धोधन गाउँपालिकाका अध्यक्ष श्री कमलेश शरण चौधरी सामान्य अनुसन्धानका लागि आफैं प्रहरीमा उपस्थित भएपछि, अदालतको आदेशअनुसार सकुशल आफ्नै निवास फर्किनु भएको छ।
प्रहरी अनुसन्धानको प्रक्रिया अन्तर्गत उहाँले सम्पूर्ण विवरण स्पष्ट रूपमा प्रस्तुत गर्नु भएको थियो। अनुसंधान पश्चात अदालतबाट कुनै पनि किसिमको आपराधिक संलग्नता नदेखिएको पुष्टि भएसँगै उहाँलाई रिहा गरिएको हो।
अध्यक्ष चौधरीले कानुनी प्रक्रियामा पूर्ण सहयोग गर्दै संयमता प्रदर्शन गर्नु भएको थियो।
उहाँको यो कदमले जनप्रतिनिधिको उत्तरदायित्व र कानुनप्रति आस्था प्रष्ट पार्दछ।
स्थानीय तहका जनप्रतिनिधिहरूमाथि आउने विभिन्न आरोप र प्रश्नहरूबिच सत्यको पक्षमा उभिनु लोकतन्त्रको बलियो संकेत हो।
अध्यक्ष चौधरीको सकुशल फर्किनु— सत्य सधैं विजयी हुन्छ भन्ने कुराको उदाहरण बनेको छ।
स्थानीयबासी र समर्थकहरूले उहाँको घर फर्किएको खवरलाई सकारात्मक रूपमा लिएका छन्।
सम्पूर्ण घटनाले न्यायप्रणालीप्रति जनआस्था बलियो बनाउने अपेक्षा गरिएको छ।
