नेकपा एमाले धनुषा जिल्लाको आठौं अधिवेशनबाट अध्यक्ष पदमा भोला यादव निर्वाचित भएका छन्। अधिवेशनमा अध्यक्षका लागि भोला यादव र लक्ष्मीनारायण यादवबीच प्रतिस्पर्धा भएको थियो।
निर्वाचनमा जम्मा ६२८ मत खसेको थियो। भोलाले ४०२ मत प्राप्त गर्दा लक्ष्मीनारायणले २०० मत मात्रै ल्याएका थिए। भोलालाई एमाले सचिव रघुवीर महासेठले समर्थन गरेका थिए भने लक्ष्मीनारायणलाई उमाशंकर अरगरियाको समर्थन थियो।
उपाध्यक्षमा तेजनारायण यादव, सचिवमा दीपनारायण ठाकुर, उपसचिवमा सविनविक्रम थापा निर्वाचित भएका छन्। महिला उपसचिवतर्फ रुकाकुमारी मिश्र निर्वाचित भएकी छन् भने लेखा समितिको संयोजकमा वीरेन्द्रलाल कर्ण चयन भएका छन्।
निर्वाचन शान्तिपूर्णरूपमा सम्पन्न भएको निर्वाचन समितिले जनाएको छ। नयाँ नेतृत्वबाट पार्टी संगठनलाई थप सशक्त बनाउने अपेक्षा गरिएको छ।
