सुनको मूल्य तोलामा १ लाख ९२ हजार २०० रुपैयाँ पुग्यो, चाँदी सस्तो

काठमाडौँ । नेपाली बजारमा बिहीबार सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार छापावाल सुनको मूल्य तोलामा ६०० रुपैयाँले बढेर १ लाख ९२ हजार २०० रुपैयाँमा कारोबार भइरहेको छ ।

बुधबार सुनको मूल्य तोलामा १ लाख ९१ हजार ६०० रुपैयाँ थियो । मूल्य वृद्धिको यो क्रम पछिल्लो दिनहरूमा अन्तर्राष्ट्रिय बजारको उतारचढावसँगै देखिएको हो ।

यसैबीच चाँदीको मूल्यमा भने ओरालो लागेको छ । बुधबार तोलाको १ हजार ९६५ रुपैयाँमा कारोबार भएको चाँदी बिहीबार १० रुपैयाँले घटेर तोलामा १ हजार ९५५ रुपैयाँमा झरेको छ ।

महासंघले सुनचाँदीको मूल्य अन्तर्राष्ट्रिय बजार र डलर विनिमय दरलाई आधार बनाएर दैनिक निर्धारण गर्ने गर्छ