नेपाली सुनचाँदी बजारमा आइतबार सुनको मूल्यमा सामान्य गिरावट आएको छ। नेपाल सुनचाँदी व्यवसायी महासंघका अनुसार शुक्रबार तोलामा १ लाख ८४ हजार ८०० रुपैयाँमा कारोबार भएको छापावाल सुनको मूल्य आज आइतबार घटेर १ लाख ८४ हजार २०० रुपैयाँमा झरेको हो।
तेजाबी सुनको मूल्य पनि घटेर १ लाख ८३ हजार ५०० रुपैयाँमा पुगेको महासंघले जनाएको छ।
सुनको तुलनामा चाँदीको मूल्यमा भने कुनै परिवर्तन आएको छैन। अघिल्लो कारोबार दिनको दरअनुसार नै चाँदी आज पनि तोलामा १ हजार ९४५ रुपैयाँमै स्थिर रहेको छ।
अन्तर्राष्ट्रिय बजारको मूल्य घटबढ तथा डलरको भाउसँगै नेपालमा सुनचाँदीको मूल्य दैनिक रूपमा परिवर्तन हुँदै आएको छ। पछिल्ला दिनहरूमा लगातार उच्च रहेको सुनको मूल्यमा केही कमी आउनु उपभोक्ताका लागि सास फेर्न लायक समाचार भएको हो।
